Основна дејност на Фершпед АД е меѓународната и внатрешна шпедиција со јавни и царински складишта. Со текот на годините компанијата прерасна во вистински шпедитерски гигант со висок меѓународен рејтинг, чии услуги освен фирми од балканските земји, ги користат фирми од западна Европа, од поранешниот Советски сојуз, а последниве години и од Кина и од Далечниот исток.

Фершпед АД се занимава и со меѓународна трговија, има своја Штедилница и Брокерска куќа.

Со новите инвестициони активности, од 1998 година Фершпед АД влезе во нови деловни предизвици:
- хотелиерство, кое започна со хотелите во Маврово и Александар палас во Скопје,
- винарство: Винарската визба Сковин наскоро винопроизводството ќе го пласира во шишиња
- спорт: Кошаркарска и одбојкарски репрезентации Фершпед- Работнички
- музика: Фестивалот Макфест
- Акции во новинско издавацка дејност
- игри на среќа

Во делот на шпедитерски услуги и царински работи, Фершпед има над 20 деловни единици во Македонија и претставништва во балканските земји, а носител е на меѓународен сертификат за квалитет.